الى فارس هذا الزمان الوحيد

الى فارس هذا الزمان الوحيد الطفل العربى المناضل فى كل مكان
يشتد فيه الصراع والنضال اهدى هذه القصيدة
*******************

زى نور الفجر ما انسلخ من قلب ليلة معتمة
مد ايده من بعيد وانتشلنا من العمى
فارس صحيح مش منظرة
ولاعنترة
ولاصورة شيك متصورة فى قصور نيويورك ولندرة
ده فى قلب قلب المجزرة هد الجدار
اللى حاش ضوء النهار عن حينا من كام سنة
وفتح لنا طاقة امل وسط الحصار
علشان نقاوم لانكسار
قبل من نموت بالانهيار
****
انفجر فينا التابوت باعلى صوت
زى الجنين اللى اتولد لحظة سكوت
مدد مدد ياعرب
مدد مدد يامسلمين
انتفض مارد حزين
عمره يادوب سبع سنين
طمن قلوب المحترين
خلا الديابة استغربت
والارض تحته اتكهربت
ده يبقى مين ده رمز شعب الجبارين
عمآل بينده على الشهادة
اموت فداكى ياحبيتى
وتفضل عروبتى هى الريادة
اطفال زى الجبال.....فى الارض متبتين
لعبتهم هى النضال.....فى حبك يا فلسطين
***
بيموتوا فى الشوارع.....وبيحيوا فى المعابر
حالفين للقدس راجع.....مهما تكون المجازر
***
والصورة فى كل شاشة.....ماهيش محتاجة قول
اطفال بوجوه بشوشه.....بتجرى قصدها غول
***
والندل ابن الجبانه....فى الضلمة اتخبه بره
وبخسه وبناداله.....اغتال احلى دره
***
ومحمد لما مات ..... بالغدر فى حضن ابوه
ما فتش يادوب ساعات.....فى رام الله هناك شافوه
***
واقف فى وسط لما.....بيصرخ ع الشهاده
بالروح افديكى يامه.....يامدينة العباده
***
الناس استغربت .....ازاى ده حى تانى
والارض اتكهربت..... تحت ولاد الزوانى
***
وقالها صريحة ابوه عمار.....خلى الابعد تاكله النار
ان القدس هيفضل عربى..... مهما استوطن الاستعمار
***
علشان تعرف بنى صهيون.....ان الاقصى مش هيهون
ولا بيت لحم مهما يكون..... تسكن فيه شلة اشرار

شعر حسين الشاعر
الحقوق محفوظة

لاتنسوا الردود

مشرف عام مساهماتي : 216 تاريخ التسجيل : 30/07/2008

دعني اقف لحظات لأهنئ قلمك المبدع ولحظات لاتمعن ما جادت به قريحتك من تلك الاشعار الرائعة Crying or Very sad

تسللم اخي على الابداع الدي تنشره في المنتدى
الله يعطيك الف عافية
في انتظار جديدك تقبل مروري Crying or Very sad